[ad_1]
عقوق أولادك
،،،
▪️شعر / الجنداوي EL Jendawi
▪️▪️
🍂🍂
ياخرطوم كتلوك
أولادك
يوم نادوك حرية
سلام..
وياخرطوم تاكوها
أبوابك
يوم ترسوك والدنيا ضلام..
🍂
▪️
جيت مشتاق وريني
اخبارك
كيفن حالك
وامدرمان..
وكيف الوجعة هناك في
بحري
وحال الناس العايشة
أحزان..
ياخرطوم واحشاني
عيونك
وصوت انغامك
بالاذان..
لاها شوارع رسمت
بهجة
ولا الحيشان طاليها وئام..
🍂
▪️
الأيام في حضنك
آهة
تصبحي تمسي على
النيران..
ما هماهم يوم
باعوكي
للغازين بأبخس
أثمان..
“الدعامة” كلاب
السلطة
دنّسوا حوشك
والميدان..
وريني متين افراحك
ترجع
تشفى رويحتك والآلام..
🍂
▪️
عقوق أولادك يا
الخرطوم
قصة آدم والشيطان..
آدم كان ياهو
المستقبل
والشيطان طابور
سعران..
فاجي الليل والحلة
يفتش
بيت مسؤول
أو سيد دكان..
هم قاصد بس يهدموا
مجدك
وترجعي تاني للأسقام ..
🍂
▪️
ياخرطوم وينو
المستقبل
وين أطفالك والحبان..
وين الطلبة الكانوا
يغنوا
وللتخريج عاملين
صيوان..
كان الناس بالحب
تتجادل
لا فارقة شيوعي و لا
كيزان..
إلا خلاص يوم هنتي
عليهم
سلموا أمرك للأوهام..
🍂
▪️
خانوا الوطن الغالي
بدرهم
الله يعينك يا
سودان..
ياخرطوم النفس
أمارة
صرتي إمارة قصاد
عجمان…
ياهو الحاصل وذي ما
قت لك
باعوه ترابك أولاد
حمدان..
النصر العاجل لي
قواتنا
جيشاً واحد لشعبٍ عام..
🍂
▪️
احمد عبدالمعبود الجنداوي
٢٣ سبتمبر ٢٠٢٣م
مصدر الخبر
