#جقود
خلعة عمك يوسف ذكرتني عمك جقود . أفضل ضارب بنقز والكان مرة والسوق واقف والعدادات عدم بمرق ضمن فرقة قونة ! والنظام العام يتلتل . المهم خمشوه مرة في حفلة اوفر نايت . ففزعنا الراجل قلنا نتشفع او نحسن وضعه القانوني وسقنا ضامن ومحامي ومشينا القسم رهط من المناصرين للرجل . الضابط كان زول ظريف ولسبب ما كان واقف يتكلم معاه بود _ عاوز يتصرف ليه _ وعمك جقود شابكو يا جنابو والله انا بعزف كل السلامات . السلام العظيم والسلام الجمهوري ودار السلام المغاربة 😂 وبعزف بالخطوة السريعة والبطئيا مارش . والله يا جنابو بنقزي دا مع القونات بطرقع في اغاني حماسة . دعم معنوي كدا . الضابط ميت من الضحك قال يا عم جقود انا عاوز امرقكك . والقصة ما عاوزة شرح . جقود لسه معلق والله يا جنابو للشرطة الف تحية تخدم في الهجير لا ظل ولا شمسية . فتدخلت يا عم جقود ديل المزارعين غنا ليهم ود اليمني فإنتفض اها يا جنابو شفتا المثقفين ديل حقو هم التكشوهم . ود اليمني ولا ود البنا ..في زول سالك 🤣🤣
…
فكرة التوعية اللطيفة من السيدة النقيب جميلة .ولطيفة الاثر ..التحية لرجال ونساء الشرطة
محمد حامد جمعة
مصدر الخبر
