صبري محمد علي (العيكورة) يكتب: (ياسر العطا) اااي ياخ إنت كنت وين من زمان؟

كلام الفريق الاول ياسر العطا عضو مجلس السيادة بود حامد بولاية نهر النيل اثناء تشريفه لعدد (١٠٠) زيجة جماعية !
(اظن البرهان فتر من المساسقة)
جاءت قوية وكما يقال كان التنشين فى السوادة وقد بدا لى من كلام الفريق
(ولو اني زعلان منو خااالس من ايام لجنة إزالة التمكين)
ولكن الحق يقال …
فالرجل ابتعد عن ارسال الكلام (المايع) وجمل
(والله خلونا النفكر ديك)
لا … وحكاية فى جماعة قالوا …. لا جابها من الاخر
(فااا) ود العطا قال …
ليس هناك دولة حديثة ومحترمة لها جيشان !
الحمممد لله اخيراً فهمتوها يا سعادتك ..
واشار الى ضرورة وجود جيش واحد قوى وخاضع لسلطة الدولة الواحدة !
وعشان ما يعرض بيها قحاتي الزول ده ما قال سلطة الدولة المدنية ! قال سلطة الدولة الواحدة . وهذا يفهم منه اى سلطة دولة تتوافق عليها الغالبية .
وود العطا …
شات شوتا كده صعبة خلاس فى قوله …
خلي بالك معاي
حين قال ….
(إن التكسب السياسي والاقتصادي بفهم امتلاك جيش ، غير مقبول)
غايتو انا فهمتها …
والما فهم تبقى دى مشكلتو .
وقال ….
إن القوات المسلحة قادرة على بسط الامن وأي اعمال متفلتة وغير مسؤولة(لا قدر الله)
وقال …
اقول لابناء شعبنا إن القوات المسلحة على قدر عزائم هذا الشعب المتطلع لغد افضل ولن تخذلهم ولن تخاف ولن تخشى المهددات الداخلية والخارجية .
الله يبرد حشاك ياخ انت كنت وين ياخ من زمان ؟
كما اتوقع ….
تم إصلاح مصنع القاشات

صحيفة الانتباهة