*طبعاً أفريقيا سنلعب مستأجرين
*وكما هو معلوم
*مستأجرين مفروش
*يعني العقار والعفش وموية الصحة واي شي
*مفروض المفروش ده يكون بي جماهيرو
*يعني لو في كورتنا الافريقية ما لقينا محمد عبدالماجد وخالد عزالدين وروشا شايلين اعلام المريخ وقاعدين مدرجات شعبية وبشجعوا في المريخ
*يكون الهلال خرق عقد الايجار ولم يمكننا من الانتفاع بالعين المؤجرة انتفاعاً كاملاً
*الامر الذي يمكننا من المطالبة بالتعويض اذا اردنا
*وبعدين مفروش دي يعني بي تلاجتو وبوتاجازو ومكيفاتو ولمباتو
*يعني لو لعبونا بالليل لعدم صلاحية اللمبات
*ده يبقى خرق تاني للعقد
*في مفروش مضلم؟؟؟؟
*مفروش شنو؟
*ورود!
*ودرجت المحاكم على اعتبار الاحتيال على وصف مفروش
*ايجار عادي يخضع لقانون ايجار المباني
*يعني فيهو سبعة سنين ايجارة حكمية
*والمؤجر البصر على مفروش ويخت ليهو كنبة مكسرة وكرسي حديد وسرير روبابيكا
*يجني على نفسو لان الكرور ده لا يعطي الايجارة لفظ مفروش
*ودايرين نلعب بالليل
*وأه يا ليل
*وانكشحت
*خسرت كوبر بالتعادل امام الهلال بالتلاتة
*والرابع ركلة جزاء غير محتسبة ارتكبها الفارس فارس
*اربعة كتيرة
*كفاية بتاعت اهلي مدني
*بالله في اتنين وسبعين ساعة خمسة نقاط انكشحت فووووو
*وتسعة اجانب
*ومشروع الراجحي حيرنا
*المهم
*والاهم
*حقوا المريخاب كلهم
*اهل المريخ واولاد عم المريخ ونسابة المريخ
*حقو ما ينسوا انو نقاط مجموعات السنة دي هي مدخلنا الوحيد للبطولة الافريقية الجديدة
*اي شنكبة عنكبة
*بنلقى روحنا في الوسيط
*لذا
*ولذلك
*ولكل ذلك
*يجب ان نبعد الفريق عن اي صراعات
*ويجب ان نقدم للفريق كل ما نملك
*ويجب ان نلتف حول الفريق بقوة
*فنهواهوا في كل الظروف
*هي وحدها التي جعلتنا نحتاج لهذه المجموعات كي نتأهل لتلك البطولة
*اصلو عذر مافي
*نعمل بجد وفي صمت لاجل هدف خطف نقاط من مجموعتنا تضيف لنقاطنا عند التصنيف
*أيها الناس
*في البلد دي البكرهوا كوبر فئتين بس
*الكيزان ومنو؟؟؟؟
*واتكبري
*أيها الناس
*إن تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كوبر عملتها فينا
*كوبرتيست يا والينا
*مرق الروح الفينا
سلك كهربا
ننساك كيف والكلب قال الانكشاحة دي بتودي الوسيط
والى لقاء
سلك
صحيفة الانتباهة
مصدر الخبر
