قال لي صديق صاحبو قال ليهو الحاصل دة ما حرب: تكون قاعد في بيتكم في قرية منسية ما عندها علاقة بحكومة ولا دولة ولا كيزان وناسها ذاتو ما متذكرين انو في حاجة اسمها حكومة. يدخلو عليك جنجويد يشيلو قروشك وعربيتك ودهب نسوان البيت ويغتصبو كمان. ولو فتحت خشمك يكفتوك لو ما ادوك طلقة في راسك. دي ما حرب.
اتفقت معاهو انو اكبر كذبة هي تصوير المشهد كأنو محض حرب بين طرفي نزاع. الحاصل دة جزو اساسي منو استباحة وليس بيور حرب بين جيش او كيزان وجنجويد. لكن التدليس بيبدا بكلام عن حرب يذهل عن البعد الاستباحى. كما قال اورويل:
” للغة السياسية تصمم لجعل الأكاذيب تبدو صادقة وليبدو القتل محترماً، ولإضفاء مظهر صلابة على ما هو مجرد ريح”.
معتصم اقرع
مصدر الخبر
